خرجت الصحفية رشا قنديل التي أجرت حوارًا أثار جدلًا واسعًا في مصر، مع الفنان والمقاول المصري محمد علي، تم بثه على شبكة "بي بي سي"، عن صمتها تجاه الاتهامات والانتقادات التي وجهت لها من قبل أنصار النظام وإعلاميه، وكتبت ما وصفتها بـ"رسائل ودروس وانطباعات" عن مقابلتها مع محمد علي، مؤكدة أنه شخص شديد الوعي والذكاء، وانها تحترم كل كلمة قالها لها أثناء الحوار او قله او بعده.
وكتبت "رشا قنديل" عبر حسابها على "تويتر"، عدة تدوينات عن اللقاء، جاء نصها كالتالي:
رسايل ودروس وانطباعات عن مقابلتي مع #محمد_علي :
١. فخورة جدا بترتيبي للقاء بمساعدة زميليّ المحترمينْ اللي صدقوا فيا وأخدوا المخاطرة.
٢. صحافة استقصائية محترمة يعني شغل محترم.
٣. أنا ماباتهتّش. خالص.
أنا مهمتي أبدا مش تلميع ضيف ولا الهجوم عليه. مهمتي الحقيقة
٥. محمد علي ضيف شديد الوعي والذكاء. واحترم كل كلمة اداهالي قبل وأثناء وبعد الحوار.
٦. محمد علي احترمني وجه على اسمي واسم بي بي سي لندن- وأدرت معاه الحوار باحترام شديد زي كل ضيف بيقعد قدامي.
٧. الصراع الداير دلوقتي بين اللي مع وضد محمد علي أنا مش طرف فيه. بالتالي ماتبعتوش لبعض رسايل باستهدافي أنا. كلموا بعض.
٨. هجومية وحادة وفي تحد مع الضيف ده وسام مش شتيمة- ده برنامجي ودي الصحافة.
٩. كل الاحترام والامتنان للي عجبهم أو ماعجبنومش الحوار على أسس موضوعية. كل الاحترام.
١٠. بين النُخبوية والشعبوية مسافة كبيرة جدا وإن كنت أعتقد إن الحوار ممكن وللأسف غياب صحافة محترمة مؤخرا بيوسع المسافة وبيفتح الساحة للحرب.
١١. الأسئلة شديدة وقوية أو ضعيفة ومكررة دي آراء تحترم. المهم الحقيقة تبان والحكم عالمحتوى للمشاهد والمستمع.
١٢. "الحياد" بقت كلمة مايعة مالهاش معنى من دون موضوعية وانتصار لمباديء الصحافة. الحياد عندنا يعني نقول الحق ونعرض وجهة النظر الأخرى في غيابها ونكرس حرية التعبير.
١٣. اللي بيفرق حوار عن حوار في نفس الموضوع مع نفس الضيف هو المُحاور.
١٤. والنبي ياجدعان خلوا بالكم بتسموا مين "صحفي". بيجيلنا فصور في الشريان التاجي، سموه إعلامي مايضرش. عشان هو بيُعلم وهي بتُعلم.
١٥. فكرة إني باحاول أوقع ضيف وغااله معنويا واحط له السكر في الزهوائي فكرة لامؤاخذة عبيطة. أي ضيف واعي وذكي بيشكرني بعد الحوار.
١٦. أنا اللي وضبت للقاء وماحدش عمره لا كتبلي أسئلة ولا سكريبت ولا بيمليني أقول إيه. يمكن في أماكن تانية وناس تانية، أنا لأ. وكل بني آدم اشتغل معايا عارف ده.
١٧. تأثير إخوان وسيساوية ومخابرات ومافيا وسلفيين وتنين مجنح والعك ده مايستاهلش يترد عليه.
١٩. المال أهم من المبدأ وشوية الكلام المعلب ده مايخصنيش. أنا مش لازمني ولو كنت كده ماكنتش قعدت في مكاني لما بقيت lead presenter يعني أهلى حتى من senior واتعرض عليا ميت مرة ٥ أضعاف مرتبي في صفقات مشبوهة وبريئة ورفضتها كلها.
٢٠. كمان مرة الواحد بيتعلم وبيفرز الصحفيين ومتشكرة جدا لزميلي معد اللقاء والمدير اللي وقف جنب المقابلة. شغلتنا صعبة جدا جدا فاللي مش قدها مايعملهاش.
٢١. أخيرا، تحية واحترام وعرفان لكل صحفي فقد حياته أو شغله أو حريته علشان بيحترم نفسه والشغلانة.
واختتمت قائلة": أنا بس باعتذر لحضراتكم لإني مش هاقدر أتابع تعليقات حضراتكم والرد عليها وانتوا عارفين ده مش طبعي بس باجهز لبقيت الشغل وهابدأ مشروع جديد من بكرة. شكرا لكل وجهات النظر المحترمة إيجابا وسلبا".
شاهد تكملة الخبر في الأسفل
